Aye Shamboo tumhe apna banana hi padega

Aye Shamboo tumhe apna banana hi padega.
Is paap jaal se chhudana hi padega.

Bhakton ke bas mein tum sada rehte ho,
Meri bhi vinti sunne ko tumko aana hi padega.

Belpatra, Dhatura, Ganga Jal, Dudh-Dahi lekar aaye hai hum Prabhu,
Is tuchh bhenth ko tumko sweekarna hi padega.

Hum bhool tumhe jaate hai maya mein fhas ke Nath,
Par yaad tumko sada rakhna hi padega.

Paapo(n) ki teevr lapto(n) mein jal raha hun main,
Hey Nath tumhe mujhko bachana hi padega.

Aye Shamboo tumhe apna banana hi padega.